All Categories - ԵՐԵՎԱՆԻ ԱԼ.ՇԻՐՎԱՆԶԱԴԵԻ ԱՆՎԱՆ Հ.21 ԴՊՐՈՑ

Նախագահական նստավայրում աշակերտներն են

12/25/2013

Հանրապետության տարբեր դպրոցների ու հաստա-տությունների սաներն Ամանորի տոնակատա-րություններն սկսեցին նախագահական նստավայրից: Մեր դպրոցի աշա-կերտները մեծ ոգևորությամբ ու երկյուղածությամբ էին պատրաստվում այցին: Նրանք փոքրիկ հնարամտության շնորհիվ կարողացան առանձնանալ 320 աշակերտների մեջ. կրում էին նույն զգեստներն ու կոշիկները՝ հակառակ երանգների մեջ և նման էին ճախրող թիթեռների: Գուցե այդ պատճառով էլ շարժեցին տիկին Գայանե Սողոմոնյանի ուշադրությունը: Նա սիրով զրուցեց աղջիկների՝ Անահիտ Բաղդասարյանի և Իննա Դավթյանի հետ: Շիրվանզադեի դպրոցի սաները իրենց ձեռքի աշխատանքներով շնորհավորեցին և բարեմաղթանքներ հղեցին տիկին Ռիտա Սարգսյանին:

Տեսանյութը տես >>>
Նկարները տես >>>

Երգչախմբային արվեստի միջազգային օր

12/8/2013

ՀՀ մշակույթի նախարարության աջակցությամբ, «Հայ Փոքրիկ Երգիչներ» միջազգային ասոցիացիան դեկտեմբերի 8-ին «Արամ Խաչատրյան» համերգա-սրահում իրականացրեց համերգ՝ նվիրված Երգչախմբային արվեստի միջազգային օրվան: Համերգին մասնակցում էին Հայաստանի Հանրապետության պետական, սիրողական և մանկական 9 երգչախումբ: Համերգային ծրագրում ընդգրկված էին հայ, ռուս և արևմտյան կոմպո-զիտորների ստեղծագործություններ:
Երգչախմբային արվեստի միջազգային օրն աշխարհում նշվում է 1990 թվականից, դեկտեմբերի 8-ին:
Համերգին մասնակցում էին նաև Երևանի Ալ.Շիրվանզադեի անվան հ.21 հիմնական դպրոցի 6-7-րդ դասարանի սաները երաժշտության ուսուցչուհի Մ.Տոնոյանի գլխավորությամբ: Տիգրան Հեքեքյանի խմբավարությամբ երեխաները կատարեցին Կոմիտասի <<Ահա ծագեց կարմիր արև>> և <<Սոնա յար>> երգերը:

Նկարները տես >>>

Երևանն առանց ծխախոտի

11/21/2013

Նոյեմբերի 21-ը աշխարհի բազմաթիվ երկրներում հայտարարված է չծխելու օր: Նույն օրը, ժամը 16:00-ին Հյուսիսային պողոտայում Հայկական Կարմիր խաչի ընկերությունը` «Երևանն առանց ծխախոտի» ծրագրի շրջանակներում կազմակերպել էր հանրային միջոցառում` «Ընտրիր քո ճանապարհը» կարգախոսով:
Միջոցառման օրը Հյուսիսային պողոտայում տե-ղադրվեցին հատուկ դեկորացիաներով տաղավարներ, որոնք պատկերում էին կյանքը՝ ծխախոտի կործանարար ազդեցութան ուղեկցությամբ և առանց դրա:
Միջոցառմանը մասնակցում էին նաև Ալ.Շիրվանզադեի անվան հ.21 հիմնական դպրոցի աշակերտները: Ցուցա-հանդեսի ժամանակ անցորդները պետք է ժպիտներ փակցնեին նկարների վրա: Մեր դպրոցի աշակերտ Էդմոնդ Գևորգյանի նկարը ժպիտների քանակով զբաղեցրեց 2-րդ տեղը, որի համար նա ստացավ մրցանակ:
«Ընտրիր քո ճանապարհը» կարգախոսով անցկացվող հանրային միջոցառումն ամփոփում է «Երևանն առանց ծխախոտի» ծրագիրը, որը Հայկական Կարմիր խաչի ընկերությունն իրականացնում է ՀՀ նախագահի և Հայկական երիտասարդական հիմնադրամի կողմից տրամադրված դրամաշնորհով:

Նկարները տես >>>

ԲԵՐՔԻ ՏՈՆ – 2013

11/2/2013

02.11.2013թ.աշնանային գույներն ու բարիքները պարուրել էին Երևանի Ալ. Շիրվանզադեի անվան հ.21 հիմնական դպրոցը: Դպրոցում բերքի տոն էր: Տոն, որին մասնակցում էին I –V դասարանցիները: Աշնանային գույներ էին հագել բոլոր դասասենյակները, Աշուն տատիկը իր բերքն ու բարիքն էր սփռել ամենուր: IIԱ դասարանը /դասվար՝ Հ. Խաչիկյան/ գովերգեց աշունը, լսեցինք Աշուն տատիկի խոսքն ու զրույցը, իսկ հետո հյուր եկավ նաև Աշուն պապիկը, ով հանելուկներ առաջա-դրեց, ապա մրցանակներ բաժանեց: Բոլոր դասարանները շնորհակալագրեր ստացան մասնակցության համար, իսկ առավել ակտիվ ու հետաքրքիր պատրաստվածություն ցուցաբերած դասարանները հաղթեցին հետևյալ անվանակարգերում՝
<<ԱՇՈՒՆ ՏԱՏԻԿ>> անվանակարգ՝ IIԱ դասարան/դասվար՝ Հ. Խաչիկյան/
<<ԱՌԱՏ ԱՇՈՒՆ>> անվանակարգ՝ IVԱ դասարան/դասղեկ՝ Գ. Հակոբյան/
<<ՀԱՄԵՂ ԱՇՈՒՆ>> անվանակարգ՝ IIIԱ դասարան/դասվար՝ Ի.Սաղյան/
<<ԽՈՐՀՐԴԱՎՈՐ ԱՇՈՒՆ>> անվանակարգ՝ IIԲդասարան/դասվար՝Ա. Պետրոսյան/
<<ՈՍԿԻ ԱՇՈՒՆ>> անվանակարգ՝ IԱ դասարան/դասվար՝ Փարսադանյան/

Նկարները տես >>>

Աշակերտական խորհրդի ընտրություններ

10/18/2013

ԱՇԱԿԵՐՏԱԿԱՆ ԽՈՐՀՐԴԻ ՆԱԽԱԳԱՀԱԿԱՆ ԸՆՏՐՈՒԹՅՈՒՆՆԵՐ
2013-2014 ՈՒՍՏԱՐԻ
18.10.2013թ. Երևանի Ալ. Շիրվանզադեի անվան հ.21 հիմնական դպրոցում տեղի ունեցավ աշակեր-տական խորհրդի նախագահական ընտրություններ:

Աշակերտական խորհրդի նախագահի թեկնածուներ՝

·         Գևորգյան Էդմոնդ VIIԲ դասարան
·         Խաչատրյան Մարիամ IXԱ դասարան
·         Միքայելյան Կարինե VIIIԱ դասարան

       Ընտրական հանձնախմբի կազմ՝

ՆԱԽԱԳԱՀ          Խաչատրյան Աննա
ՏԵՂԱԿԱԼ           Ջանինյան Վլադիմիր
ՔԱՐՏՈՒՂԱՐ Թորոսյան Ռիմա
ԱՆԴԱՄՆԵՐ   Մարգարյան Գոռ
Մարտիրոսյան Սուրեն
Խոդիկյան Ելենա
Հարությունյան Թամարա
Ընտրությանը մասնակցում էին դպրոցի VI-IX դասարանների աշակերտները: Ընտրական հանձնախումբը իր ընտրությունը սկսեց ՀՀ հիմնով: Ընտրությունը բացեց դպրոցի տնօրեն Ն. Երիցյանը: Ընտրությանը մասնակցեց 150 ընտրող,

             Անվավեր՝ 10

·         Գևորգյան Էդմոնդ 56 ձայն
·         Խաչատրյան Մարիամ 38 ձայն
·        Միքայելյան Կարինե 46 ձայն

Նկարները տես >>>

<<Ա>> տառի դաս-էքսկուրսիա

10/17/2013

Կարևորելով Այբուբենի առաջին տառի ուսուցումը և ցանկանալով երեխաների հիշողության մեջ վառ թողնել այդ օրն իր խորհրդով՝ դասվար Վեներա Փարսադանյանը կազմակերպեց դաս-հանդես՝ զուգակցելով այն էքսկուրսիայի հետ՝ դեպի մոտակա զբոսայգի:
Երեխաներն աշնանային տեսք էին ստացել. զարդարվել էին գույնզգույն թիկնոցներով, թագերով:
Քայլեցին երթով՝ երգելով ու դիտելով աշնան գույները: Զբոսայգու մի հատվածում, ուր կլոր հարթակ կա, նրանց դիմավորեց փուչիկներով պատրաստված մի մեծ <<Ա>> տառ, որն ամրացված էր ծառին:
Հենց այդ հարթակում էլ կայացավ դաս-հանդեսը: Հանդիսատեսները ոչ միայն ուսուցիչները, ծնողներն ու հյուրերն էին, այլև այգու աշխատողներն ու զբոսանքի դուրս եկած մարդիկ, ովքեր հետո արտահայտեցին իրենց գոհունակությունն ու շնորհակալությունը՝ յուրօրինակ միջոցառման համար:
Փոխտնօրեն Հ.Մարգարյանը, արտահայտելով իր հիացմունքը միջոցառման վերաբերյալ, շնորհակալություն հայտնեց Վ.Փարսադանյանին, ինչպես նաև ծնողներին՝ իրենց բարձրաճաշակ աշխատանքների համար: Գեղեցիկ էին ոչ միայն երեխաները, այլև աշնանային բարիքներով զարդարված զամբյուղները:
Օրն անմոռանալի էր Iա դասարանցիների համար:

Նկարները տես >>>

ՏՈՆԴ ՇՆՈՐՀԱՎՈՐ, ՍԻՐԵԼԻ՛ ՈՒՍՈՒՑԻՉ

10/5/2013

ՈՒՍՈՒՑԻ՛Չ

Իզուր չէ, որ քո տոնն աշնանն է, որովհետև աշունն իր գունագեղ, պայծառ երանգներով է զարդարում և՛ քեզ, և՛ քո տոնը:
Թող հավերժ լինի քո ճամփան՝ լեցուն անափ սիրով ու բերկրանքով :

Ինչպես դու ես լույս սփռում այս աշխարհում, այնպես էլ քո ճամփան թող ողողված լինի լույսով, երջանկությամբ, ժպիտով:

Նկարները տես >>>

ԳԻՏԵԼԻՔԻ ՕՐ

9/2/2013

Բարի գալուստ
Երևանի Ալ.Շիրվանզադեի անվան հ.21հիմնական դպրոց

2013-2014 ուսումնական տարի

Նկարները տես >>>

Բարի գալուստ մեր դպրոց, սիրելի' փոքրիկ

6/28/2013

2013-2014 ուստարվա առաջին դասարանցիների ընդունելությունը դպրոց կատարվում է երկու փուլով.

I փուլ- հունիսի 1-30-ը ներառյալ, ժամը 10:00 – 15:00

II փուլ- օգոստոսի 1-31-ը ներառյալ, ժամը 10:00 – 15:00

Դպրոց կարող են ընդունվել այն երեխաները որոնց վեց տարին լրացել կամ լրանում է տվյալ օրացույցային տարվա դեկտեմբերի 31-ը ներառյալ:

Առաջին դասարանի ընդունելության համար անհրաժեշտ փաստաթղթերը

Դիմում /լրացվում է դպրոցում/
Բնակչության պետ. ռեգիստրում հաշվառված լինելու մասին տեղեկանք
2 լուսանկար 3x4 չափսի
Ծննդյան վկայական /բնօրինակ, պատճեն/
Ծնողի անձնագիր /բնօրինակ, պատճեն/
Բժշկական հ.26 ձև

Ընդունող հանձնաժողով
Ալ.Շիրվանզադեի անվան հ.21 հիմնական դպրոց
ՏՆՕՐԵՆՈՒԹՅՈՒՆ

Բարի երթ շրջանավարտներին

6/26/2013

Нажмите здесь, чтобы отредактировать..