Ալեքսանդր Շիրվանզադեի անվան հ. 21 հիմնական դպրոցը հիմնադրվել է 1934թ. և պատիվ է ստացել անվանակոչվելու մեծ գրող Ալ. Շիրվանզադեի անունով, դեռևս նրա կենդանության օրոք:
Դպրոցը միահերթ է, հնգօրյա: Ուսուցանվող օտար լեզուներն են ռուսերենը, ֆրանսերենը և անգլերենը: Գործում է անվճար երկարօրյա խումբ (ժամը 12:00-17:00):
Դպրոցն ունի համակարգչային դասասենյակ՝ հագեցած ժամանակակից համակարգիչներով և էլեկտրոնային գրատախտակով: Համակարգչային դասասենյակում ժամանակակից ինտերակտիվ մեթոդներով դասեր են անցկացվում դասավանդվող բոլոր առարկաներից: Դպրոցն ունի գեղեցիկ ու լուսավոր գրադարան՝ իր ընթերցասրահով, երաժշտության դասասենյակ, հանդիսությունների սրահ՝ իր տեխնիկայով, ՆԶՊ, աշխարհագրության և այլ առարկայական դասասենյակներ:
Դպրոցում գործում է նախակրթարան՝ նախատեսված 5 և 6 տարեկան երեխաների համար, հնգօրյա, 4-ժամյա աշխատանքային ռեժիմով: Նախակրթարանը իրականացնում է ԿԳՆ կողմից մշակված և հաստատված ծրագիր:
Դպրոցը համագործակցում է Save The Children, Կարմիր խաչ, ՀՕֆ կազմակերպությունների և Ստեփանավանի Ստ.Շահումյանի անվան հ.1 հիմնական դպրոցի հետ:
